Nú skoytubreytin aftur verður sett upp á Skálatrøð, verða eini 30-50 parkeringspláss minni á økinum. Men hetta ætlar kommunan at gera nakað við.
Nú Kommunuskúlin ikki verður brúktur, fara vit at brúka garðin til parkeringspláss. Eisini verða parkeringspláss skipað runt um, so miðbýurin ikki verður verri fyri í so máta, sigur Heðin Mortensen, borgarstjóri.
Tekniska Nevnd hjá kommununi hevur annars júst stramma reglarnar fyri parkering við at seta tíðaravmarking á. Í Kommunuskúlagarðinum verður tó eingin tíðaravmarking.
Har verður væntandi pláss fyri umleið 50 parkeringsplássum, sigur Heðin Mortensen.
