Í samband við at Fólkaheilsuráðið aftur skipar fyri útiviku í ár, hevur Eysturkommuna gjørt av at skipa fyri gongutúrum í kommununi. Tey, sum hava hug at vera við á gongutúrunum, verða ikki slept upp á fjall, tí kommunan hevur fingið tveir staðkendar menn at virka sum ferðaskeiparar. Tað eru Kristian Martin Eliasen og Leivur Sørensen.
Eysturkommuna heitir á heimasíðuni á øll um at taka undir við tiltakinum, sum hevur til endamáls at eggja fólki til at røra seg meira.
Í ár verður Útivikan frá 24. til 30. mai.
