Guðrun Joensen var eyðsýnd við sínum góðu servum og servuessum, tá Føroyar vunnu 3-0 á Liktinstein í EM/HM undankappingini í kvøld.
Hon fegnast eisini um upplivingina at kunna koma inn, og gera nakað munagott á einum góðum føroyskum liði. Sum hon undirstrikar, so er orsøkin til, at hon spælir flogbólt, at hon kann fáa slíkar avbjóðingar, sum tær, sum EM/HM undankappingin í høllini á Hálsi í Havn.
Guðrun Joensen heldur, at føroyska liðið vann seg væl upp í fyrsta og øðrum setti aftaná eina fjálturstungna byrjan í báðum settunum, og spældi seg væl upp og vísti góðar dygdir.
Víðari EM-luttøkan er í hús, og nú ætlar Guðrun Joensen sær eisini eina víðari HM-luttøku við einum sigri á Kýpros í annaðkvøld klokkan 18.30, men hon undirstrikar, at tað verður torført.
TRÝST á PÍLIN undir MYNDINI, og hoyr samrøðuna Hilmar Jan Hansen hevði á Rás2 við Guðruna Joensen.
