Gongst sum ætlað skal Tórsvøllur gerast eitt aljóða góðkent multifunktionelt stadion við hópin av ymsum møguleikum fyri viðfevnandi mentanarligum virksemi. Tað ætla Tórshavnar Kommuna og Fótbóltssamband Føroya, sum fyrrapartin almannakunngjørdu eina yvirskipaða menningarætlan fyri Tórsvøll og Gundadal.
Tórsvøllur, sum í dag bert er avmarkaður til at brúkast sum vøllur til nakrar fáar landsdystir árliga, skal bæði kunna nýtast til altjóða ítróttatiltøk, herundir fótbóltsdystir, og til konsertir, uttandura fimleikastevnur, stórar framsýningar, stórfundir, landskappingardystir og so víðari.
Tórsvøllur skal eftir ætlan umbyggjast í 5 byggistigum:
Millum annað er ætlanin
at Vaksa um sjálvan leikvøllin, so hann lýkur altjóða krøv
at Skifta grasvøllin út við altjóða góðkent graslíki
at Seta upp nýmótans ljósanlegg. Í dag er einki
at Reisa verju fyri vindi og yvirdekka áskoðaraplássini, so verja er fyri regni
og at avmarka talið av áskoðaraplássum úr 6.440 niður á umleið 5.500, so tóm avlopspláss verða færri.
Áskoðaraplássini á norður- og suðursíðuni verða tí tikin burtur
Ætlanin er at reisa nýggjan bygning á suðursíðuni, ið kann brúkast til nógv ymisk endamál, bæði ítróttarliga, vinnuliga og umsitingarliga
Og at enda at skipa stadionið við nýggjum inn- og útgongdum, ið lúka altjóða trygdarkrøv
Fyrsta byggistig er at seta upp eitt ljósanlegg, og tað arbeiðið er loungu byrjað.
Nýggju ljósini verða ætlandi tøk til fótbóltslandsdystin millum Føroyar og Italia 2. september.
Við vøllin í Gundadali er ætlanin at leggja eina rennibreyt við tilhoyrandi venjingarumstøðum ovarlaga á ítróttarøkinum
At útbyggja verandi svimjihøll og leingja svimjihylin, so hann lýkur olympisk krøv
At Byggja ein bygning millum HB- og B36-húsið og knýta húsini saman
At útbyggja Gundadalshøllina
Nýggja høvuðsinngongd til Tórsvøll
Leggja ræsir til fólk at ganga á millum ymsu ítróttarstøðini í Gundadali
Økja talið av parkeringsplássum
Prísurin fyri fýra tey fyrstu byggistiguni er millum 50-70 millióinir. FSF hevur nógvar pengar til góðar í UEFA, sum eru tilskrivaði útbygging og umbygging av leikvølli. Um ikki farið var í gongd við ætlanina, so er vandi fyri, at UEFA strikar pengarnar.
