FC Barcelona tapti í kvøld heili 3-0 móti Benfica í 2. umfari í bólkaspælinum í Champions League. Katalanska stórfelagið er í kreppu og trýstið verður enn størri eftir ósigurin í kvøld, men venjarin er meiri bjartskygdur.
- Eg haldi at vit spæla betri enn Benfica í 70 minuttir í dag. Vit skuldu havt fingið eitt mál ella tvey, men vit fáa tey ikki, sigur Ronald Koeman eftir dystin í kvøld.
Liðskiparin hjá FC Barcelona, Sergio Busquets, heldur fyri, at tað er lættast at bara koyra venjarin, men at spælararnir eisini eiga sín lut.
- Hetta er torført at greiða frá. Vit eru ikki góðir nokk í brotsteigunum. Vit lata mál inn tíðliga, vit spæla væl, men vit umseta ikki okkara møguleikar. Tað hevði verið ov nemt at koyrt venjaran, tí vit hava allir eina ábyrgd. Vit eru í eini kritiskari støðu við ongum stigi. Nú skulu vit bara vinna dystirnar móti Dynamo Kiev, sigur Sergio Busquets.
FC Barcelona er nú kroyst at vinna restina av dystunum í bólkaspælinum, um FC Barcelona skal koma víðari.
Støðan:
1. Bayern Munchen 6
2. Benfica 4
3. Dynamo Kiev 1
4. FC Barcelona 0
