StÍF-KÍF 43-17 (15-6)
Tað eydnaðist ikki strandingum at hevna finalutapið móti Kyndli herfyri, men tað gjørdu teir so í staðin í gjárkvøldið. Staklarnar úr KÍF stóðu fyri skotum, og tað í ríkiligt mát.
Tendraðir frá byrjan
At munur er millum oddaliðið og botnliðið í bestu hondbóltsdeildini, hevur longi verið greitt, men at munurin skuldi vera so øðiligur, var kanska ikki heilt greitt.
Strandingar hava at kalla í alt ár, ikki verið til at tikið, og hava teir lagt seg langt framum hini liðini. Men seinastu tíðina hevur StÍF havt eitt sokalla Kyndil syndrom, tí teir taptu fyrst í steypafinaluni, og tá teir so stutt eftir vitjaðu aftur í Havn, fóru teir enn einaferð úr Havn uttan nakað. Tað var kanska júst tað málið, sum at enda tendraðið heimaliðið so nógv sum tað gjørdi.
Blástir um koll
Tá tíggju minuttir vóru farnir av dystinum á Skála, var støðan longu 6-1 til heimaliðið, og haðani var ongin vegur aftur hjá botnliðnum, ið gjøgnum alt kappingarárið hevur verið sera merkt av nógvum skaðum á teirra tunna hópi.
Dysturin í tølum:
10 min. : 6-1
20 min. : 8-4
40 min. : 22-10
50 min. : 33-13
Málskjúttar:
StÍF: David Edvardsen 9, Borgar Danielsen 8, Leivur Justinussen 7, Sveinur Justinussen 6, Alexandur Johansen 4 (4), Danny Syhler 3, André F. Danielsen 2, Bent Djurhuus 2, Jón Rasmussen 1, Rúni Niclasen 1.
KÍF: Damir Oros 6 (1), Ási Dam 4, Dejan Jankovic 2, Jákup Trúgvason 2, Ingi Johannesen 1, Niklas Reginson 1, Regin Petersen 1.
Brotskøst: StÍF 4, KÍF 1
Útvísingar: StÍF 2, KÍF 1
Dómarar: Eyðun Samuelsen & Andreas F. Hansen
Hondbóltur:
Kvinnur (Sunset-kappingin)
d v - j - t mál mál munur stig
1 Stjørnan 17 15- 1 - 1 505 382 123 31
2 VB 16 9 - 2 - 5 376 344 32 20
3 Neistin 17 10- 0 - 7 417 403 14 20
4 Kyndil 16 6 - 1 - 9 362 404 -42 13
5 StÍF 16 4 - 1 - 11 356 400 -44 9
6 VÍF 16 2 - 1 - 13 343 426 -83 5
Menn (Atlantic Airways-kappingin)
d v - j - t mál mál munur stig
1 StÍF 17 13 - 1 - 3 503 397 106 27
2 Neistin 17 11 - 1 - 5 483 450 33 23
3 Kyndil 17 10 - 0 - 7 459 457 2 20
4 VÍF 17 6 - 2 - 9 455 479 -24 14
5 H71 17 6 - 1 - 10 423 435 -12 13
6 KÍF 17 2 - 1 - 14 403 508 -105 5
