– Hurra fyri ríkisfelagsskapinum! Eg havi simpulthen møtt einari føroyskari gentu.
Soleiðis sigur ein glaður og vælnøgdur Frank Hvam við vinmannin Casper Christensen í nýggjasta partinum av donsku skemtirøðini Klovn, sum kom út í gjár.
Á veg til arbeiðis um morgunin hittir Frank eina unga kvinnu á súkklubreytini. Tey byrja at práta og finna útav, at tey bæði hava Raleigh-súkklu. Aftaná eina løtu spyr Frank:
– Tú hevur eitt so stuttligt tónalag. Hvaðani ert tú?
– Eg eri úr Føroyum, sigur hon.
Frank verður heilt bleytur í knøunum og vil øgiliga fegin sleppa at hitta føroysku kvinnuna, sum eitur Ragnhild, aftur. Tey avtala at hittast á súkklubreytini aftur á veg heim frá arbeiði, og tá endar tað við, at tey fara at súkkla um kapp.
Tað er føroyska sjónleikarinnan Vígdis Hentze Bjørck, sum hevur leiklutin sum kvinnan úr Føroyum.
##med2##
