Tað verður ein kendur klaksvíkingur, Tóra við Keldu, sum í ár fær heiðurin at seta tjóðarhátíðina. Tóra er lærari og forkvinna í Meginfelag teirra, ið bera brek.
Sjálv sigur Tóra, at tað kom óvæntað á hana, tá hon varð biðin um at seta tjóðarhátíðina.
- Hetta var nakað óvæntað, men eg var glað at verða biðin um at seta ólavsøkuna 2015.
- Nú, tá ið eg havi fingið nakrar vikur at hugsa meg um og vant meg við tankan, so kenni eg heiðurin stóran og síggi møguleikan at standa andlit til andlit við føroyingar at eggja og seta orð á viðurskifti, sum hava týdning fyri føroyingar og samfelagið alt, sigur Tóra við Keldu í samrøðu í Ólavsøkublaðnum hjá Miðlahúsinum.
Les alla samrøðuna við Tóra við Keldu í serliga Ólavsøkublaðnum hjá Miðlahúsinum, ið verður borið út til hvørt húsarhald í landinum í morgin.
