Klaksvík upp aftur á eina álíkning

Randi Jacobsen

Seinastu árini hevur komm­un­an lagt nógva orku í at nið­ur­gjalda skuld, og skuld­in er nú komin 23 mió. krón­ur undir álíkningina.
Men samtyktin hjá bý­ráð­num í gjárkvøldið um at yv­ir­taka hallirnar kann hava við sær, at skuldin fer upp á eina álíkning aftur, sig­ur Gunvá við Keldu, borg­ar­stjóri.
Skuldin í hallunum báð­um er 17,6 mió. krónur, og neyð­ugt verður við peningi aft­r­at til ábøtur. Tað má alt fíggj­ast við lántøku.
Gunvá við Keldu harm­ast avgerðina hjá býráðnum. Semja var ikki, men tað lá í kort­u­num, at hallirnar skuldu skipast í eitt felag, og at kommunan skuldi økja sín stuðul.
Ítróttarfeløgini í Klaks­vík heittu á býráðið um at yv­ir­taka hallirnar, men borg­ar­stjórin heldur ikki, at tann á­heitanin var serliga væl um­hugs­að, tí yvirtøkan av hall­unum hevur við sær, at aðr­ar ítrótt­ar­verk­æt­l­an­ir, eitt nú rennibreytin og skýl­ið mugu bíða.
Gunvá við Keldu ivast ikki í, at samtyktin hjá bý­ráð­num hevur samband við, at bý­ráðs­val verður um tveir mán­aðir.
Tað verða eisini aðr­ar verk­ætl­anir, sum verða skotn­ar út í fram­tíð­ina. Ætl­anin er at byggja nýggja skúla á Ziska­trøð, svimjihøllin, ment­a­n­ar­hús­ið í mið­býnum og annað.
Næsta ár verð­ur stóra tak­ið ellis- og røkt­ar­heim­ið, men tá ið tað er lið­ugt, verð­­ur rúm­l­ig­ari, sig­ur Gunvá við Keldu.