So brast fyri nev hjá Klæminti A. Olsen at spæla tann fyrsta heila kappingardystin fyri Breiðablik í íslendskum fótbólti.
Klæmint A. Olsen spældi allan dystin og Patrik kom á vøllin seinasta hálva tíman, tá Breiðablik á útivølli vann 2-0 á Fjölnir í steypakappingini. Breiðablik hevur sostatt vunnið seg í áttandapartsfinalurnar.
Klæmint kom til onkran málmøguleika, men tað eydnaðist honum ikki at skjóta mál fyri Breiðablik í kvøld.
Fjölnir 0 - 2 Breiðablik
0-1 Oliver Sigurjónsson ('17)
0-2 Ágúst Orri Þorsteinsson ('60)
Pætur J. Petersen og liðfelagarnir í KA hava eisini vunnið seg í áttandapartsfinalurnar í steypakappingini við stórsigri 5-0 á Uppsveitir á heimavølli á Akureyri. Pætur skoraði tvey mál fyri KA. Hann legði KA á odda tá níggju minuttir vóru farnir av dystinum, og hann økti til 3-0 tá 27 minuttir vóru leiktir. KA var á odda 4-0 í steðginum. Uppsveitir er lið úr fimtbestu deildini í Íslandi.
KA 5 - 0 Uppsveitir
1-0 Pætur J. Petersen ('9)
2-0 Dusan Brkovic ('14)
3-0 Pætur J. Petersen ('27)
4-0 Dusan Brkovic ('45)
5-0 Sveinn Margeir Hauksson ('61)
##med2##
Kaj Leo í Bartalsstovu og liðfelagarnir í Leiknir Reykjavík vunnu seg eisini í áttandapartsfinalurnar í steypakappingini við 1-0 sigri á Selfossi. Stóra hetjan hjá Leiknir gjørdist Omar Sowe, ið skoraði sigursmálið stutt undan dystarloki.
Kaj Leo slapp á vøllin tá 49 minuttir vóru farnir av dystinum.
Leiknir Reykjavík 1 - 0 Selfoss
1-0 Omar Sowe ('89)
Í morgin klokkan 16 spæla Gunnar Vatnhamar og liðfelagarnir í Víkingi Reykjavík dyst móti Magna úr fjórðbestu deildini, so tað skuldi ligið væl fyri hjá Víkingi at vunnið seg í áttandapartsfinalurnar í steypakappingini.
