Kjartan Johansen, Helgi H. Hoydal og liðfelagarnir í Stavanger eru framvegis oddalið í næstbestu norsku hondbóltsdeildini, men í dag taptu teir oddauppgerðina móti Fjellhammer á útivølli. Fjellhammer er nú bara eitt stig aftanfyri Stavanger. Bæði liðini eru tó á uppflytingarkós.
Fjellhammer vann 21-18 á Stavanger. Í steðginum var støðan javnleikur 10-10, men Fjellhammer fekk tingini at koppa sín veg í dag.
Sambært heimasíðuni hjá norska hondbóltssambandinum var Kjartan Johansen besti maður hjá Stavanger. Kjartan skoraði seks mál, fýra av teimum uppá brotskøst. Helgi H. Hoydal skoraði tvey mál í dag.
Sunnudagin 8. desember fær Stavanger høvið at reisa seg aftur á heimavølli. Tá Kemur Kristiansand á vitjan. Kristiansand liggur á fjórða plássi í deildini, seks stig aftanfyri Stavanger.
Støðan:
| (soccerstand.com) | ||||||||
|---|---|---|---|---|---|---|---|---|
| 1. | Stavanger | 10 dystir | 9 | 0 | 1 | 269:242 | 18 stig | |
| 2. | Fjellhammer | 10 | 8 | 1 | 1 | 268:228 | 17 | |
| 3. | Nøterøy | 10 | 6 | 1 | 3 | 303:274 | 13 | |
| 4. | Kristiansand | 10 | 6 | 0 | 4 | 260:262 | 12 | |
| 5. | Sandefjord TIF | 10 | 5 | 2 | 3 | 285:262 | 12 | |
| 6. | Falk | 10 | 5 | 1 | 4 | 250:251 | 11 | |
| 7. | Viking TIF | 10 | 4 | 1 | 5 | 294:297 | 9 | |
| 8. | Charlottenlund | 10 | 4 | 0 | 6 | 273:256 | 8 | |
| 9. | Lillestrøm | 10 | 3 | 2 | 5 | 274:279 | 8 | |
| 10. | Sandnes | 10 | 3 | 0 | 7 | 270:277 | 6 | |
| 11. | LFH09 Lillehammer | 10 | 2 | 0 | 8 | 266:313 | 4 | |
| 12. | Bodø | 10 | 1 | 0 | 9 | 244:315 | 2 |
