Kollfirðingar hava í kvøld vunnið 31-26 á VÍF í høllini í Vestmanna. Sigurin merkir, at KÍF hevur tvey stig fleiri enn VÍF, sum er nummar tvey.
Tað vóru nakrir spælisjúkir kollfirðingar, sum í kvøld vístu uppvísningshondbólt í løtum í Vestmanna. Fleiri ferðir vístu teir yvirskot við at skjóta flott mál, sum heilt víst eru vand.
Í fyrra hálvleiki var at kalla ongin munur, men tíðliga í seinna hálvleiki kom KÍF í 5. gear, meðan gearstongin hjá VÍF illa vildi úr triðja gear'i. Tríggjar útvísingar til Filip Jojic gjørdi, at hann ongan lut tók í dystinum seinasta korterið.
Nicklas Selvig var dagins spælari við níggju málum og fleiri hegnisligum uppleggum.
VÍF - KÍF: 26-31 (15-17)
Málskjúttar:
VÍF: Sámal Joensen 9, Julian Olsen 6, Filip Jojic 3, Agnar Joensen 2, Sámal Jákup Djurhuus 2, Áki Egilsnes 1, Bjarni Djurhuus 1, Sjúrður Nielsen 1, Áki G. Olsen 1
KÍF: Nicklas Selvig 9, Hans Eli Sigurbjørnsson 6, Rógvi Weyhe 4, Tony Weyhe 3, Magnus Muller 3, Andrias Nielsen 2, Rasmus Junker 2, Rúni Joensen 2
Atlantic Airways deildin:
Støðan:
1. KÍF 12 (Stig)
2. VÍF 10
3. H71 8
4. Neistin 8
5. Kyndil 6
6. StÍF 4
7. Team Klaksvík 2
Liðugt: KÍF vinnur 31-26. Seinasta málið er enn eitt sokalla "flúgvara mál", har Nicklas Selvig spælir bóltin upp á tvørs til Rúna Joensen, sum kann skjóta bóltin í eitt púra opið mál.
58.min: (26-30) So fall avgerðin. VÍF brennur í álopspartinum, meðan Áki Egilsnes fær tveir minuttir í hinum endanum fyri at fella Andrias Nielsen.
56.min: (25-30): Munurin hevur verið niðri á fýra málum, men nú hevru VÍF brent tveir stórar møguleikar, meðan KÍF revsar við mótálopi.
52.min: (24-29): VÍF hevur sína bestu løtu í seinna hálvleiki. Sjúrður Nielsen og Sámal Joensen skjóta mál, so munurin nú er niðri á fimm málum. Jakob Jónsson, venjari hjá KÍF, kvittar við at taka time out. Helst fyri at fáa skil upp á verjupartin aftur.
46.min: (20-26) Stór ónøgd í høllini í Vestmanna, tá Filip Jojic aftur verður útvístur. Tað er triðja útvísingin, so hann kemur ikki á vøllin aftur í kvøld. Hesa ferð fyri at rena hondina í andlitið á Rasmus Junker. KÍF hevur framvegis yvirtakið.
41.min: (16-21) KÍF skorar eitt tað besta málið higartil í kvøld, tá Nicklas Selvig spælir Hans Eli Sigurbjørnsson púra leysan til ein sokallaðan "flúgvara", har avleveringin liggur inn í brotsteigin. Síðani kemur Hans Eli hoppandi inn í feltið og loftar bóltinum og skjýtur hann í málið.
Stutt eftir tekur Henrik Gerster, venjari hjá VÍF, time out.
37.min: (15-20) Filip Jojic fær tveir minuttir og fyrrverandi VÍF spælarin, Magnus Muller skorar til 20-15 til KÍF, sum er omaná í løtuni.
Seinni hálvleikur:
Hálvleikur: 15-17: KÍF vinnur fyrra hálvleik við tveimum málum. Í seinasta sekundinum av fyrra hálvleiki megnar VÍF at minka um munin við skjótálopi.
Málskjúttar:
VÍF: Julian Olsen 5, Sámal Joensen 5, Filip Jojic 2, Bjarni Djurhuus 1, Agnar Joensen 1, Sámal Jákup Djurhuus 1
KÍF: Nicklas Selvig 6, Hans Eli Sigurbjørnsson 3, Rógvi Weyhe 2, Andrias Nielsen 1, Magnus Muller 1, Tony Weyhe 1
27.min: (13-14): Jakob Jónsson, venjari hjá KÍF tekur time-out. Liðini halda fram við at fylgjast. Tað at kalla ongin munur á liðnum.
20.min: (11-12): Talan er um ein rættan mannfólkadyst í Vestmanna. Liðini fylgjast og skifta um at skjóta mál.
Fyrri hálvleikur:
Undan dystinum:
Tað er satt oddabrak í bestu hondbóltsdeildini hjá monnum í kvøld. Í Vestmanna tekur VÍF móti KÍF. Liðini eru ávíkavist nummar tvey og eitt Atlantic Airways deildini.
VÍF og KÍF hava spælt ein dyst í landskappingini í ár. Tann dystin vann KÍF 30-27 í høllini í Kollafirði.
In.fo fylgir gongdini í dystinum millum oddaliðini í kvøld. Dysturin byrjar klokkan 20.00.
