Okkara hondbóltsútisetar í Noregi og Íslandi kunnu fegnast.
Kjartan Johansen setti trý brotskøst í netið tá lið hansara, Fyllingen Bergen vann ein týðandi 32-28 heimasigur á Halden í dysti í bestu norsku hondbóltsdeildini. Í steðginum var Fyllingen á odda 15-12. Sigurin merkir, at Fyllingen Bergen framvegis er millum átta tey ovastu liðini sum kunnu vinna sær eitt pláss til endaspælið.
Komandi mikukvøld spælir Fyllingen Bergen á útivølli ímóti Bækkelaget.
Áki Egilsnes gjørdist fyrr í vikuni toppskjútti hjá KA í næstbestu íslendsku hondbóltsdeildini. Áki skoraði níggju mál ímóti Hvíta Riddaranum, tá KA á heimavølli vann stórsigur 33-16.
Áki Egilsnes er toppskjútti hjá KA við 80 málum. Áki hevur skotið hesi 80 málini í bara 11 dystum.
Áki Egilsnes og liðfelagarnir í KA eru framvegis nummar tvey í næstbestu íslendsku hondbóltsdeildini. Komandi leygardag spælir KA á útivølli ímóti unga liðnum hjá Stjarnuni.
Støðurnar í næstbestu íslendsku og í bestu norsku hondbóltsdeildini:
(Ísland)
| 1 | Akureyri | 14 | 12 | 1 | 1 | 378 | 82 | 25 |
| 2 | KA | 15 | 12 | 0 | 3 | 379 | 79 | 24 |
| 3 | HK | 15 | 10 | 1 | 4 | 430 | 53 | 21 |
| 4 | Þróttur | 15 | 8 | 2 | 5 | 392 | 37 | 18 |
| 5 | Haukar U | 15 | 8 | 1 | 6 | 398 | 50 | 17 |
| 6 | Valur U | 15 | 6 | 3 | 6 | 366 | 11 | 15 |
| 7 | ÍBV U | 14 | 6 | 1 | 7 | 364 | -24 | 13 |
| 8 | Stjarnan U | 13 | 5 | 0 | 8 | 305 | -38 | 10 |
| 9 | Mílan | 15 | 1 | 1 | 13 | 301 | -103 | 3 |
| 10 | Hvíti Riddarinn | 15 | 0 | 0 | 15 | 336 | -147 | 0 |
(Noreg)
| 1 | Elverum | 17 | 31 |
| 2 | ØIF Arendal Elite | 18 | 25 |
| 3 | Drammen | 18 | 24 |
| 4 | Halden Topphåndball | 18 | 22 |
| 5 | Haslum HK | 18 | 22 |
| 6 | FyllingenBergen | 18 | 18 |
| 7 | Bækkelaget Håndball Elite | 17 | 18 |
| 8 | Kolstad | 18 | 15 |
| 9 | Falk Horten | 18 | 14 |
| 10 | Bodø HK | 18 | 13 |
| 11 | Sandnes | 18 | 8 |
| 12 | Nøtterøy Håndball | 18 | 4
|
