Í annaðkvøld klokkan 18 er sannleikans tími hjá Molde og hjá KÍ.
Tá spæla liðini seinna dystin í triðja undanumfarinum í Champions League. KÍ er á odda 2-1 frá tí fyrra dystinum á Tórsvølli.
Tað verður lukkutíð ein royndur 41 ára gamal dómari, ið fer at døma dystin.
Nikola Dabanović úr Montenegro verður høvuðsdómari, og hann hevur dømt dystir í evropeiskum kappingum fyri felagslið síðani 2015. Áðrenn 2015 dømdi Nikola Dabanović fleiri ungdómslandsdystir og UEFA Youth Cup dystir.
Nikola Dabanović hevur verið FIFA-dómari síðani 2009, og hann er tað sum nevnt verður: ein fyrsta kategori´s dómari. So talan er um ein dómara av ovastu hill.
Nikola Dabanović hevur dømt í bestu deildini í Montenegro síðani 2006.
Molde FK (NOR) - KÍ Klaksvík (FRO)
Dómari: Nikola Dabanović (MNE)
Hjálpardómari 1: Vladan Todorović (MNE)
Hjálpardómari 2: Srđan Jovanović (MNE)
Fjórði dómari: Miloš Bošković (MNE)
VAR dómari: Ivan Bebek (CRO)
VAR hjálpardómari: Mario Zebec (CRO)
UEFA dómaraeygleiðari: Marián Ružbarský (SVK)
UEFA umboð: Patricia González García (ESP)
