Muslimarnir í Keypmannahavn sleppa nú at byggja tvær moskur, um teir kunnu útvega teir neyðugu pengarnar til byggingina.
Kommunala nevndin, um umsitur teknikk og umhvørvi, samtykti í gjárkvøldið at geva shiamuslimunum loyvi til at byggja eina mosku í útnyrðingspartinum av býnum, samstundis sum sunnimuslimarnir fáa loyvi til at byggja eina mosku á Islands Brygge, skrivar blaðið Urban.
Muslimarnir í Keypmannahavn hava leingi biðið um at sleppa at byggja tvær moskur í býnum, men málið hevur drigið út.
Fólk í Keypmannahavn hava heldur ikki verið serliga fegin um ætlaninar, og kommunan hevur fingið knappliga 1.300 mótmæli.
