Ein kavari, sum arbeiddi við eitt alibrúk í Norðoyggjum, varð fluttur á sjúkrahús seinnapartin í gjár tí hann var sollin um.
Hann hevði verið niðri, men var komin upp á bátin at skifta fløsku.
Tá fortaldi hann hinum, at hann føldi seg ikki væl og beint eftir small hann um.
Boð vórðu send eftir sjúkrabili. Hann varð fluttur á Klaksvíkar Sjúkrahús og tá ið tamarhald aftur var á støðuni, varð hann sendur á Landssjúkrahúsið til kanningar.
Men tað, løgreglan veit, hevur hann tað gott.
Maðurin hevði følt seg illa í nakrar dagar og tað var kanska orsøkin til, at hann kom illa fyri.
