Í gjár fann ein frítíðarkavari eina beinagrind út fyri Ljósá, einar 100 metrar úr landi á 20 metra dýpi. Hann gjørdi av at taka skøltin við sær til lands og boðaði so løgregluni frá.
Kavarar fóru niður at leita í gjárkvøldið, men teir funnu einki og máttu gevast, tí veðrið var so ringt.
Men í morgun er leitingin tikin upp aftur í eini roynd at bjarga restini av beinagrindini.
Jón Klein Olsen á politistøðini sigur, at nú verður hugt eftir, hvørji fólk eru saknað seinastu árini og ein møguleiki. Í hesum sambandi verður fyrst kannað eftir hvørji tey seinastu eru, sum saknað og ein møguleiki, sum løgreglan hugsar nógv um, er um hetta kann vera líkið av Dánjali Petur Hansen, vanlinga nevndur Piddi, sum hvarv seint á heysti í 2011, og sum ongantíð kom varð afturfunnin.
Teir fáa einki sagt um talan er um eina mann ella eina kvinnu og Jón Klein Olsen sigur, at tað kann taka drúgva tíð at fáa greiði á, hvørjum beinagrindin er av.
|
