- Tit, sum elska at tekna og mála, kunnu gleða tykkum til eina røð av vikuskiftisskeiðum í listamáling á Gjáargarði, boðar Gjáargarður frá.
Tað er Kári Svenson, ið undirvísir á skeiðunum, sum byrja fríggjakvøld og enda sunnudag.
Luttakararnir fara at arbeiða við tekning, akvarell og akrylmáling.
- Undirvísingin verður laga til støði hjá luttakarunum, og tey, sum hava hug at luttaka á fleiri skeiðum eru vælkomin til tað, stendur at lesa í lýsingini.
Av Gjáargarði siga tey, at tey hava bjóðað líknandi skeið til útlendingar fyrr, men hetta er fyrsta tílíka skeiðið fyri føroyingar.
- Áhugin er stórur, og fleiri hava longu sett seg í samband við okkum um skeiðið.
