Á tiltakinum, sum verður í ítróttarhøllini, verður kappast í boccia og mini golf, men miðað verður eisini ímóti at fáa eina hugnaliga løtu uttan fyri kappingarnar, har okkurt verður til matna.
Hetta verður fjórða ferð, at skipað verður fyri Eik Cup, og eins og undanfarin ár hava fyrireikararnir valt at hava tiltakið í ítróttarhøllini á Eiði, har umstøðurnar eru góðar til slík tiltøk.
Svanur, sum varð stovnað í 2009, er ítróttarfelag teirra brekaðu í Eysturoynni. Felagið hevur til endamáls at kveikja áhuga fyri og menna ítróttin fyri brekað fyri soleiðis gera gerandisdagin meira virknan og innihaldsríkan.
– Eik Cup er størsta einstaka tiltakið hjá Svani og hevur verið væl vitjað – ikki bara av fólki úr Eysturoynni, men úr øllum landinum, og fyrireikararnir vóna, at síggja nógv fólk á kappingini hesaferð.
Fleiri upplýsingar um Svan og Eik Cup 2012 eru at finna á heimasíðuni svanur.fo.
