Kanning av sjálvtøkuborðum

Hvønn dag leita nógv sær oman í býin at eta ein góðan bita á døgurðatíð. Nógv er at velja ímillum, og góðskan og prísurin eru ymisk. Hetta er eitt gott høvi hjá øllum. Fólk sleppa frá at smyrja matpakka heimanífrá og kunnu í staðin slappa av á hugnaligum matstovum við einum góðum bita saman við starvsfeløgum, vinum ella hjúnafelagum.

Sosialurin hevur verið úti um seg á Havnar gøtum og kannað, hvussu ymisku sjálvtøkuborðini á middegi eru á matstovunum í býnum fyri at lýsa góðar og kanska minni góðar síður.

Lív Højsted Horsdal

08.03.2006 (13:28)

Hotel Hafnia
98 kr fyri sjálvtøkuborð, frukt og køkur.
Góð, smakkaði væl og fjølbroytt úrval av mati. Úrvalið av salati kundi kanska verið betri, og heitu kjøtbitarnir vóru eitt vet turrir. Uppsetingin av matinum var vøkur.
Vit vórðu væl móttikin. Tænarin visti ikki rættiliga rætta svarið, tá vit spurdu um okkurt, men var fryntligur og fór inn til kokkin at spyrja eftir svari.
Til bar at velja sær roykifrítt øki. Møblarnir vóru vanligir hotel møblar ikki ov fínir, men heldur ikki ljótir. Hvítur dúkur var á borðinum, gott útsýni, ljóst og svalligt og góður tónleikur í bakgrundini.
Vit fingu pláss beinanvegin bert trý onnur vóru í allari matstovuni.
Ja, tey høvdu lyftu og barnastólar til taks.
4 stjørnur av 5

Hotel Tórshavn
79 kr fyri sjálvtøkuborð.
Smakkaði væl. Maturin var heitur og soltin serliga var fiskasúpanin sera góð, meðan búffurin tó ikki smakkaði av nógvum. Omaná fingu vit okkum te, men tað var ikki serliga heitt, men wienarbreyð á 12 kr smakkaði væl.
Vit funnu okkum tað seinasta borðið sjálvi, men annars vóru starvsfólkini fryntlig.
Tað sást sjónliga, at matstovan í løtuni er í umbygging. Borðið var reint, men undir var støv í hópatali eisini undir sjálvtøkuborðinum. Eisini var tað heldur myrkt inni í hølinum.
Nógv fólk, men fingu hóast pláss.
Lyfta er til taks, men í løtuni er ikki serliga barnavinarligt, nú umbyggingin er í gongd.
2½

Hotel Føroyar
140 kr fyri sjálvtøkuborð, frukt og køkur.
Góð, fjølbroytt og øðrvísi. Serliga var salatið framúr.
Har var einki at finnast at; vit fingu svar á alt, vit spurdu um.
Gott pláss, møblarnir sera góðir, gott útsýni og svalligt.
Vit fingu pláss beinanvegin, hóast nógv fólk vóru og ótu.
Barnastólar vóru til taks, og gott pláss til t.d. at koyra við barnavogni, men maturin var ikki barnavinaligur. Umstøðurnar fyri rørslutarnað vóru eisini góðar, og lyfta var til staðar.


Nantong
79 kr fyri sjálvtøkuborð.
Ikki serliga nógv av mati á borðinum, og okkurt hevur staðið heldur leingi. 
Møblarnir vóru góðir at sita í, borðið reint, men eitt roykfrítt øki manglaði, hóast ikki nógvur roykur var í hølinum. Annars er hølið ógvuliga hugnaligt, nossligt og rúmligt millum borðini.
Nógv fólk vóru inni, men vit fingu skjótt pláss.
Lyfta og gott pláss fyri koyristóli. Eisini barnavinarligt við m.a. spælihorni.
3 ½ stjørnu.

Myndatekstur: Á sjálvtøkuborðinum var m.a. nudlur við grønmeti, høsnarungi í karry, innbakaðar rækjur, oksakjøt í súrsøtari sós, salat, várrullur, rís og kips.

Rio Bravo
69 kr fyri sjálvtøkuborð
Hóast vit ikki komu fyrr enn kl. 13.30, var nóg mikið av mati. Maturin var væl tilgjørdur og nógv ymisk sløg at fáa. Men alt var kanska ikki eins heitt, og salatborðið kundi verið meira fjølbroytt.
Avbera góð. Vit søgdu einki um, hvagani vit komu, men ein skuldi næstan trúð, at tey frá fyrstu løtu vistu, at vit vildu skriva um matstaðið. Tænastan var avbera góð og alt varð gjørt við einum stórum smíli frá fyrstu løtu av.
Alt var úr western-træi, so tískil ein serstakan dámur inni. Høgt var upp fyri millum borðini, so tú varå ikki órógvaður av hinum gestunum. Borðini vóru breið og stór, men heldur trongt millum beinkin og borðini. Borðini vóru bæði rein, nosslig og hugnalig. Behagiligur 80 ára tónleikur ljómaði í hóskandi styrki.
Nú vóru vit í seinna enda av mattíðini, so vit fingu pláss beinanvegin úti við vindeygað. Har vóru fleiri onnur fólk, tá vit komu og onnur komu seinni.
Gjøgnum høvuðsinngongdina í Tórsgøtu ber ikki til at koma við koyristóli. Skal tað gerast barnavinarligt so má t.d. kips, pitsa og pylsa eisini á borðið.
4


Marco Polo
79 kr fyri sjálvtøkuborð.
Maturin var góður serliga eplini við hvítleyki.
Góð tænasta, vit fingu beinanvegin alt, vit vildu hava.
Hugnaligt og kreativt innrættað. Eisini var reint og nossligt inni.
Vit fingu pláss beinanvegin. Men vit komu ikki fyrr enn kl. 13.30, og tá vóru bert vit og ótu.
Tey hava barnastólar, og pláss er eisini fyri barnavogni ella koyristóli.
3½

Kanning av sjálvtøkuborðum

Mest lisið

Dráp í Reykjavík: Fronsk kvinna dripið mann og dóttur

- Eg eri flýggjaður úr Sambandsflokkinum

Hoteldráp skakar Ísland: Øll høvdu knívstungur

Myndir: Kappróðrarmyndir frá sundalagsstevnuni

Landið letur stuðul til stjórabilar men ikki til avlamisbilar

HM fyri felagslið: Dortmund legði fyri við málleysum javnleiki

Vita flokkarnir hvat teir eru samdir um?

Handla fyrst og lær so av av tí

Tað er ruðuleiki í Teheran

Steingja svimjihylin í tríggjar vikur