Kaj Leo í Bartalsstovu og liðfelagarnir í Njarðvík er nú oddalið í næstbestu íslendsku fótbóltsdeildini.
Kaj Leo spældi allan dystin í greiða 3-0 heimasigrinum hjá Njarðvík á ÍR. Longu aftaná 21 minuttirs spæl var Njarðvík á odda 2-0.
Njarðvík-ÍR 3-0 (2-0)
1-0 Dominik Radic '5
2-0 Arnar Helgi Magnússon '21
3-0 Dominik Radic '87
Njarðvík er fremst í deildini við 16 stigum fyri sjey dystir. Nummar tvey er Fjölnir við 14 stigum fyri seks dystir.
Komandi mikukvøld klokkan 20.15 spælir Njarðvík dyst á útivølli móti Gróttu.
