Av røttum skuldi verið ein føroyingauppgerð leikt í bestu íslendsku fótbóltsdeildini, tá liðið hjá Halli Hansson, KR og liðið hjá Kaj Leo í Bartalsstovu, Akranes møttust í Reykjavík ígjár.
Men hetta var bara eitt samdøgur aftaná Hallur Hansson hevði spælt við føroyska landsliðnum móti Luksemborg á útivølli, og tí var hann ikki við í hópinum hjá KR.
Talan gjørdist um ein undirhaldandi dyst, ið endaði við javnleiki 3-3. Akranes misti sigurin úr hondum móti dystarenda, tá teir gjørdu sjálvmál.
KR 3 - 3 Akranes
0-1 Eyþór Aron Wöhler ('17 )
1-1 Ægir Jarl Jónasson ('27 )
2-1 Atli Sigurjónsson ('47 )
2-2 Steinar Þorsteinsson ('66 )
2-3 Eyþór Aron Wöhler ('74 )
3-3 Alexander Davey ('94 , sjálvmál)
Kaj Leo hevði sambært Morgunblaðnum nakrar góðar royndir á málið hjá KR. Kaj Leo var skiftur út tá fáir minuttir vóru eftir av vanligu leiktíðini.
Í kvøld klokkan 20.15 leika tvey onnur føroyingalið. Liðið hjá Gunnari Nielsen, FH tekur á heimavølli móti Leiknum. Liðið hjá Patriki Johannesen, Keflavík tekur á heimavølli móti Stjørnuni.
Støðan:
| Nr | Lið | Dystir | V | J | T | Málmunur | Stig |
| 1 | Breiðablik | 8 | 8 | 0 | 0 | 25:8 | 24 |
| 2 | Víkingur Reykjavík | 10 | 6 | 1 | 3 | 22:16 | 19 |
| 3 | Stjarnan | 8 | 5 | 2 | 1 | 17:10 | 17 |
| 4 | KA | 8 | 5 | 1 | 2 | 12:6 | 16 |
| 5 | KR | 9 | 4 | 3 | 2 | 15:11 | 15 |
| 6 | Valur | 8 | 4 | 1 | 3 | 14:11 | 13 |
| 7 | Keflavík | 9 | 3 | 1 | 5 | 14:17 | 10 |
| 8 | Fram | 8 | 2 | 2 | 4 | 14:21 | 8 |
| 9 | FH | 8 | 2 | 1 | 5 | 12:15 | 7 |
| 10 | Akranes | 9 | 1 | 4 | 4 | 10:20 | 7 |
| 11 | Leiknir R. | 8 | 0 | 3 | 5 | 4:13 | 3 |
| 12 | ÍBV | 9 | 0 | 3 | 6 | 6:17 | 3 |
