Leygardagin var tað óvæntað, at toppliðið úr Klaksvík tapti 1-0 á Skála.
Í kvøld vóru klaksvíkingar væl upplagdir, tá ið teir høvdu vitjan av B71.
Sandoyingar løgdu rygg til 6-0 tap. So stórt hava teir ikki tapt fyrr í ár.
Heimaliðið var ógvuliga væl mannað. Millum teir fyrstu ellivu á heimaliðnum vóru eitt nú Ólavur Niclasen, Óli Eyðstinsson Poulsen, Ronni Møller-Iversen og Hjalgrím Elttør, sum allir hava verið nógv á besta liðnum í ár.
Einki bendi eftir fyrra hálvleik á, at talan fór at verða um so stóran heimasigur, tí tað var bara KÍ liðformaðurin Henry Heinesen, sum var málskjútti í fyrra hálvleiki.
Eftir steðgin skolaðu málini ígjøgnum hjá sandoyingum.
Eivin Sørensen, tvær ferðir Hjalgrím Elttør, Ronni Møller-Iversen og at enda Bárður Hansen skoraðu KÍ málini í seinna hálvleiki.
KÍ er topplið við 48 stigum, og B71 er á sætta plássi við 24 stigum.
