Avgerðin byggir á niðurstøðuna hjá Arbeiðs- og brunaeftirlitinum, sum staðfestir, at eingi mekanisk ella teknisk brek vóru við dumparanum, og at arbeiðið hevur verið lagt til rættis á tryggan og skynsaman hátt, skrivar løgreglan.
Somuleiðis hevur Arbeiðs- og brunaeftirlitið ikki staðfest feilir í arbeiðsumhvørvinum, sum kundu viðføra álvarsliga óhappið.
Ákæruvaldið hevur út frá hesum mett, at arbeiðsgevarin ella onnur hava ikki framt nakað revsivert.
Ákæruvaldið hevur ikki fleiri viðmerkingar til málið.
