Tað sá leingi svart út hjá tí suverena oddaliðnum í bestu kvinnudeildini, Neistanum í dag. Neistakvinnur vóru aftanfyri 22-27 ímóti Stjørnuna í KÍ-høllini norðuri í Klaksvík, tá 10 minuttir vóru eftir. Seinastu 10 minuttirnar prógvaðu neistakvinnur tó, at tær eru eitt satt oddalið við at venda 22-27 til ein 31-29 sigur.
- Time Out´ið við støðuna 22-27 bjargaði okkum, tá vit fóru á vøllin aftur vístu spælararnir endiliga hvat tær veruliga duga, greiðir Kári Horn, venjari hjá neistakvinnum frá. Kári Horn er alt annað enn nøgdur við tað, sum hendi gjøgnum teir fyrstu 50 minuttirnar í dystinum, men hann fegnast kortini um, at hansara spælarar fingu eina áminning um, at ein má stríðast allar 60 minuttirnar av dystinum.
Geir Wardum, venjari hjá Kyndla-kvinnum fegnaðist serliga um verjuspælið hjá sínum spælarum, aftaná 19-14 sigurin hjá kyndlakvinnum ímóti VB suðuri í Vági, hann iðrar seg tó um, at hansara spælarar brendu dekan ov nógvar opnar málmøguleikar.
Tað ber til at hoyra prátini við Kára Horn og Geir Wardum undir greinini.
