Mikukvøldið, 22. mai kl. 20, verður konsert í Siloa í Fuglafirði. Á konsertini syngja tvey kór íslendska kirkjukórið úr Mosfellbær og Siloakórið.
Siloakórið plagar at enda sangárið við eini sangløtu ella konsert, og í ár verður tað so gjørt saman við hesum íslendska kórinum.
Skráin er fjølbroytt, og tað eru Arnhildur Valgarðsdóttir og Eyðun á Lakjuni, ið stjórna kórunum.
Aftan á konsertina verður ein drekkamunnur til øll í kjallaranum.
