Norðlýsið skrivar í kvøld, at KÍ hevur havt aðalfund og rokniskapurin vísur eitt yvirskot á fimm milliónir krónur. Tað er serliga inntøkurnar frá Evropaluttøkuni, sum gera munin. KÍ fekk ikki færri enn 12 milliónir, fyri at luttaka í Champions League og síðani Europa League.
Norðlýsið skrivar víðari, at starvsfólkalønir vóru tilsamans sjey milliónir krónur. Av teimum fóru fimm milliónir til spælarahópin, umframt bonus í Evropa. Á fundinum bleiv starvsnevndin vald og har var eingin útskifting. Síðani síðsta aðalfund var Eyðstein Poulsen komin í tóma sessin fyri ungdómsfótbólt. Hann bleiv valdur fyri komandi árið.
Nevndin sum bleiv vald á aðalfundinum var hendan:
Formaður: Tummas Lervig
Næstformaður: Rúni Heinesen
Nevndarlimur fyri fíggjarmál: Hilmar Danielsen
Nevndarlimur fyri besta mansliðið: Kaj Dam
Nevndarlimur fyri ungdómsfótbólt: Eyðstein Poulsen
Nevndarlimur við ábyrgd av samskifti felagsins: Rói Clementsen
Nevndarlimur við ábyrgd av sponsorum felagsins: Jákup Eydnugarð
