Tað er serliga við atliti at stuðla og menna føroysku spælararnar í hópinum, at Julian er settur.
Hann kemur tó hinvegin eisini at virka sum partur av venjingarliðnum kring allan hópin. Julian hevur búleikast í Danmark tey nógvu seinastu árini, og hann hevur eisini tikið donsku venjaraútbúgvingina.
Fyrraárið var hann eitt skifti í Føroyum, tá hann seinasta partin av kappingarárinum var venjari hjá HB, eftir at felagið hevði sent táverandi venjaran, Heine Fernandez, til hús. Í Danmark hevur hann eisini virkað sum venjari. Seinast hjá Skjold.
Julian var eisini partur av føroyska landsliðnum fyrstu altjóða árini. Men eftir dystin í Parkini, har Føroyar taptu 4-1 móti Danmark, boðaði hann frá, at hann gavst á landsliðnum.
