Frammanundan hava tíðindafólkini Høgna Hoydal, John Johannessen, Bjørt Samuelsen og Sjúrð Skaale á tingi. Síðst nevndi heldur tað vera so keðiligt at vera politikari, at hann hevur boðað frá, at hann helst vendir politikkinum bakið – eftir at hann hevur vent Tjóðveldinum bakið.
Á seinasta vali var Georg L. Petersen, sum nú starvast á Dimmalætting, millum valevnini. Hann varð ikki valdur ta ferðina – men hann ætlar sær ikki at royna seg aftur hesaferð. Journalisturin Uni Arge hevur kjakast dúgliga í Sosialinum og á Facebook um politikk seinastu tíðina. Serliga er tað Sjúrð Skaale, sum hann hevur kjakast við um stevnuna hjá Tjóðveldinum. Men hvørki Tjóðveldi ella Uni Arge hava boðað frá nakrari uppstilling enn, so har er tað kanska meira tann brennandi áhugin fyri politikki, heldur enn ynskið um at sleppa at ráða...
