Í dag kemur Sosialurin út fyri seinastu ferð fyri jól. Blaðið, sum er 56 síður til støddar, inniheldur eisini eitt serligt Jólablað við fjølbroyttum lesnaði til jólini.
Í Jólablaðnum er eitt nú samrøða við tríburar í Vestmanna, sum nú verða 25 ár, men framvegis hava eitt serligt samband. Í fjør blivu tey øll foreldur innan gott hálvt ár.
Hanus á Gørðum er prestur millum síni egnu í Klaksvík, og har stórtrívist hann saman við familjuni í prestakallinum. Samrøða er við prestin í Jólablaðnum.
Eisini ber til at lesa um unga kvinnu, sum heldur jól í Meksiko, um inutittar, sum gingu úr Kanada til Grønlands og hava slóð til Føroya, og tú kanst fáa góð ráð um mat og rørslu á jólum.
