Tað er gomul siðvenja, at jólaløta við andakt er fyri starvsfólki, sjúklingum og teirra avvarðandi á Klaksvíkar Sjúkrahúsi við presti og sálmasangi klokkan 14 jólaaftan.
Hesaferð var tað Hanus á Gørðum, prestur, sum las jólaevangeliið og hugleiddi harfrá. Eisini varð sungið, jólasangir og endað við Gleðilig Jól.
Súsanna Olsen, yvirsjúkrasystir, beyð vælkomin, og eftir andaktina varð boðið til ein góðan drekkamunn í kantinuni við nógvum góðum afturvið.
Ein hugnalig løta, har øll ynsktu hvørjum gleðilig jól við skildnaðin.
