Ein av teimum máttmestu politikarunum hjá demokratiska flokkinum í USA tey seinastu mongu árini, John Murtha, er deyður. Hann var 77 ára gamal, nú hann doyði. John Murtha gjørdist kendur, tá hann í 1974 bleiv valdur í Umboðsmannatingið, tí hann var tann fyrsti fyrrverandi Vietnam-hermaðurin, sum gjørdist kongresslimur.
John Murtha varð roknaður sum ein konservativur demokratur. Hann atkvøddi fyri amerikonsku innrásini í Irak, men í 2005 vildi hann hava teir amerikonsku hermenninar heimaftur.
