Leygardagin læt upp ein listaframsýning hjá John av Reyni í Jólabakarínum á Vaglinum í Havn.
John av Reyni hevur áður verið við á Ólavasøkuframsýningini í Müllers Pakkhúsi og Listaskálanum umframt at hann hevur havt framsýning í Smiðjuni í Lítluvík.
Á framsýningini í Jólabakarínum á Vaglinum hevur John av Reyni nakrar myndir, sum lýsa menniskjað og kenslur. Opið verður frá 27. november til 23. desember 2010.
