Johan Dahl: ES limaskapur

Hetta er í hvussu so er ikki í trá við tað, sum løg­maður sigur verða tann politiska veruleikan, nevn­i­liga at stórur meiriluti er í­móti ES limaskapi.
Jú gamaní, um vit fara í Løgtingið at spyrja, so eru ivaleyst fleiri ímóti enn fyri, ikki tí at høvdið verð­ur brúkt, men kanska meira hjarta og tvíhaldan um maktina hjá ávísum flokki um eitt ávíst vinn­uligt øki.
Hvør er so politiski ver­u­leiki føroyinga viðv. ES?
Tað vita vit als ikki!! Menn gita ístaðin fyri at taka um “ondets rod” og fáa greiðu á teimum vitalu spurn­ingum sum eru m.a.

1.Hvørjar karmar koma vit at hava í ES samveldinum sum ES limur, ið er partur av Ríkisfelagsskapinum

2.Hvørjar karmar koma vit at hava í ES samveldinum sum limur við Fullveldið

Tá vit hava fingið m. a. hetta avklárað, saman við mongum ørðum spurn­ing­um, og harvið fingið kort­lagt fyrimunir og vansar og fingið greiðu á okkara iva­málum, so eigur føroyski velj­ar­in at fáa endaligu av­gerð­ina.
Spurningar sum standa ó­svaraðir eru millum ann­að:

Fiskivinnupoli­tikk­in – kunnu vit fáa seravtalu í á­­víst tíðarskeið ella ei
Ú­t­b­ú­g­v­i­n­g­armøgu­leikar­
­Ferðavinnan/upp­liv­ing­ar­vinn­an
Heilsuverk og heils­u­tæn­astur
Marknaðaratgongdir kring í heiminum
Gransking og gran­sk­ing­ar­verkætlanir sum vit kundu verið við í
Møguleikar okkara í ramm­u­programminum hjá ES
KT og Fjarskiftisvinnan
Umhvørvispolitikkur
Osfr., osfr.

Partapolitisk seráhugamál størsta forðingin fyri einari viðger og opnari debat um málið.
Hví kemur fjáltur á menn tá orðið ES verður nevnt?
Hví ber ikki til í einum samfelag sum Føroyar at kjakast seriøst um ES lim­askap og tað sum har við fylgir av fyrimunum og vansum og fáa lýst tey ymsu økini so vanliga fólk­ið eisini skilir hvat tað inn­iber?
Hví fer t. d . Fólk­a­flokk­ur­in í svart bara orðið verð­ur nevnt??
Hví vil Javnaðar­flokk­ur­in ikki sum arð­ir norðurlendskir brøðr­a­flokk­ar, við opnum sinni fara inn í viðgerðina av hesum málið, men ístaðin í blindum søkir eftir EFTA limaskapið- fyri umvegis at fáa atgongd til ES?
Hví er bara ein lítil fraktión av Tjóð­veld­is­flokk­i­num opin fyri at tos­að um hetta mál?
Er tað tí at teir eru bang­n­ir fyri at missað “suver­enitetin” longur úr eygsjón?
Hví er Sam­bands­flokk­ur­in einasti flokkur á løg­ting­ið sum vil seriøst viðgera ES limaskap og mælir til hendan?
Sjálvandi tí at Sam­bands­flokkurin sær, at ES limasskapurin er neyðugur fyri áhaldandi at mennað okkara land og fólk og skap­að bestu fortreytir í altjóða høpi og tær fært tú sum limur í ES sam-veldinum.
Fyri vinnu okk­ara vildu allar markn­að­ar­forð­ingar verið burtur, fr­í­hand­ils­av­talur í hópatalið og harvið opin marknaðaratgond til 90 lond og bilateralar av­talur við ca. 20 onnur lond.
Fiskivinnan sýnist sum størsti trupuleikin fyri at tosað um ES.
Fiskivinnan eigur ikki av verða forðingin fyri at vit fara í holt við at seta hol á hesa debat, men hvørja fer tosað verður um ES so verður sagt at okkara fiskivinnað tá er slept upp fyri skutil til arðar at válka sær við??
Hvør sigur at tað ikki verða nógv størri møg­u­leikar fyri okkum sum fiskivinnutjóð í ES høpi?
Hvat við visjón 2015 vinn­u­politikkinum sum samgaongan arbeiðir við, - er hann møguligur at gjøgnumføra um vit ikki hugsað stórt ??
Eg loyvið mær at ivast.
Vit eiga at verða politiskt bún­ir nokk til eisini at tora at seta ES kjakið á breddan ongantí ov skjótt, um vit vilja verða eitt av heimsins bestu londum at búgva í 2015.