Jóhan bjóðar toppskjúttanum av

Fyrsti dystur í 18. umfari í næstbestu deildini var longu í kvøld. Hinir eru allir á skránni leygardagin.

Í kvøld var KÍ við Margáir, og gestirnir fóru til hús við 5-0 sigri. Tað mundi vera kærkomið eftir vónbrotið, sum tað mundi kennast at vera, tá ið HB á summarfestivalinum skoraði 3-2 sigursmálið, tá ið klokkan vísti meiri enn tveir minuttir meiri enn tveir minuttir yvir valiga leiktíð.

Í kvøld var hálvleiksstøðan við Margáir 1-0 til KÍ. Málið varð skorað í síðstu sekundunum av fyrra hálvleiki. Málskjútti var Jóhan Joesphsen. 1-0 var støðan inntil í 71. minutti. Tá økti KÍ um munin til 2-0, og aftur var tað Jóhan Josephsen, sum skoraði.

17 ára gamli álopsspælarin, sum undan summarsteðginum tvær ferðir varð skiftur inn á besta KÍ liðið, hevur nú skorað 11 mál í næstbestu deildini. Tað er bara B 71 spælarin Tijani Mohammed, sum hevur skorað fleiri mál. Hann er toppskjútti í 1. deild við 12 málum. Steffan A. Løkin hjá NSÍ hevur eisini skorað 11 mál.

Sjey minuttir undan leikloki økti Dávid B. Andreasen um munin til 3-0. Hetta var triðja málið hjá Dávidi í næstbestu deildini í ár. Vanliga leiktíðin var um at vera farin, tá ið innskifti Óli Sirdal økti um munin til 4-0. Hetta var fyrsta ferðin, at hann var málskjútti í næstbestu deildini. Í síðstu løtu vóru heimamenninir óhepnir at beina bóltin í egið mál.

KÍ er á fjórða plássi við 31 stigum, og EB/Streymur er aftast við 6 stigum.

18. umfar

Hósdagin 10. august

EB/Streymur – KÍ 0-5 (0-1)

0-1: Jóhan Josephsen 45.+2.

0-2: Jóhan Josephsen 71.

0-3: Dávid B. Andreasen 83.

0-4: Óli Sirdal 90.

0-5: sjálvmál 90.+3.

Dómari: Annfinn Hjelm

Leygardagin 12. august

Víkingur – B68: Bjarki Danielsen kl. 14.00

NSÍ – B71: Kári J. á Høvdanum kl. 16.00

FC Hoyvík – B36: Jóhan Hendrik Ellefsen kl. 15.00

HB – Skála: Rani A. Skaalum kl. 16.30

kelda: faroesoccer.com