Joen Magnus Rasmussen og Hilbert Elisson á ting

Verður Annika Olsen vald í Tórshavnar Býráð, so fer hon at siga løgtingsessin frá sær.

Tað segði hon við útvarpið í gjárkvøldið.

Tað merkir, at Joen Magnus Rasmussen kemur á ting fyri Fólkaflokkin.

Heðin Mortensen, borgarstjóri í Havn og løgtingsmaður, boðaði í apríl frá, at hann sigur løgtingssessin frá sær, um hann heldur fram sum borgarstjóri í Havn eftir kommunuvalið 8. november.

Tað merkir, at Hilbert Elisson í Vestmanna tekur sæti fyri Heðin Mortesen í løgtinginum.

Hilbert Elisson er nummar 14 á listanum hjá Javnaðarflokkin. Verður Heðin Mortensen borgarstjóri, so merkir tað, at Javnaðarflokkurin fimm føst varafólk á tingi. Fýra fyri landsstýrisfólkini og ein fyri borgarstjóran í Havn. Sjúrður Skaale, fólkatingsmaður, er nummar 11 á listanum. Hann hevur biðið seg undan at taka sæti á tingi, tí hann er fólkatingsmaður.

Fær Hilbert Elisson fæst sæti á tingi, so verður Bjørg Dam varafólk á tingi, tá onkrum í Javnaðarflokkinum berst frá.

Persónliga atkvøðubýtið hjá 15 teimum fremstu á listnum hjá Javnaðarflokkinum:

Annika Olsen segði við in.fo 6. august, at heldur als ikki, at somu fólk skulu umboða ein flokk í bæði býráð og á tingi.

Hon segði, at tað snýr seg ikki um, hvat ein politikari hevur stundir til.

– Hetta hevur nakað við fólkaræði at gera – tí tað smalkar fólkaræðið, at somu fólk ikki sita í øllum sessum, segði hon.

Og hon endurtók í samrøðu við útvarpið í gjárkvøldið, at hon fer ikki at sita í báðum sessunum.

Fer hon úr Løgtinginum, so tekur nummar sjey á fólkaflokslistanum sætið á tingi fyri hana, og tað er Joen Magnus Rasmussen. Tá verður tað Janus Rein, sum skal møta sum varamaður, um onkrum í Fólkaflokkinum berst frá at møta.

Persónliga atkvøðubýtið hjá 8 teimum fremstu á listnum hjá Fólkaflokkinum: