Seksualundirvísing
Jenis av Rana, løgtingsmaður er so ónøgdur við seksualundirvísingina í skúlanum, at hann nú fer at reisa málið í ringinum.
Sostatt ætlar hann nú at seta landsstýrismanninum í mentamálum, Høgna Hoydal, nakrar spurningar um seksualundirvísingina í skúlunum.
Hann sigur, at hann ger hetta eftir áheitan frá fleiri foreldrum, sum hava vent sær til hansara, tí tey eru heilt ólukkulig av teirri undirvísing, sum børn teirra fáa í skúlanum.
? Trupulleikin er, at vit taka útlendskt tilfar til okkara, heilt ókritiskt og hann saknar, at Landsmiðstøðin fyri Undirvísingaramboð hugsar seg betri um, áðrenn hon bjóðar skúlunum útlendskt undirvísingartilfar á hesum øki.
?Tað skerst ikki burtur, at donsk og føroysk mentan eru heilt hvør sítt. Og tað ber ikki til at taka tilfar, sum er sprottið úr eini aðrari mentan, inn á okkum ókritiskt, sigur løgtingsmaðurin.
Hann envnir sum dømi tveir sjónbandsfilmar, sum hann hevur sæð.
?Eg vil kalla hesar báðar filmarnar fyri tað reina porno.
Hann vísir eisini á, at tað er ymiskt, hvussu skúlarnir fara fram, tá ið teir verða undirvístir í nøring og seksuallæru.
? Í summum skúlum verða hesir filmarnir vístir í 9. flokki. Á øðrum skúlum verða teir vístur fyri børnum í 7. flokki. Og at vísa teir fyri børnum í 7. flokki og at fóðra tey við slíkum, er at meta sum harðskapur ímóti børnum, tí tá eru tey ov lítil og og óbúgvin til at taka ímóti slíkum.
Hann sigur, at bara tað, at tað er ymiskt, hvørjum aldursflokki ymsir skúlar vísa hesar filmarnar fyri, sigur mær so mikið sum tað, at tað eru ikki nóg greiðar reglar fyri undirvísingini.
? Tað er sjálvsagt, at børnini skulu hava seksualundirvísing , tað er ikki tað, sum er trupulleikin. Men at tað er so ymiskt, hvussu aldursmarkið er í ymsum ? skúlum fyri at vísa slíkar filmar, sigur mær, at linjurnar eru ikki nóg greiðar.
Jenis av Rana fer tí at spyrja landsstýrismannin í mentamálum, hvørjar linjur eru lagdar fyri undirvísingini í nøring og um, hvørjar reglugerðir, undirvísingin byggir á.
Hann vil eisini hava at vita, hví føroyskt tilfar ikki verður gjørt ikki hesa undirvísing, tí talan er ikki um so fløkt tilfar.
Og hann vil eisini hava at vita, um landsstýrismaðurin heldur tað vera ílagi, at vit ókritiskt geva føroysku skúlunum undirvísingartilfar, sum er sprottið úr eini heilt øðrvísi mentan, sum ikki hóskar til okkara mentan.
Á hesum báðum filmunum eru tað tveir læknar, sum sita og greiða frá nøring og so verður tað víst við ymsum dømum í filminum.
? Men eitt er innihaldið í filmunum. Eitt annað er, at teir eru ógvuliga illa úr hondum greiddir.Eg havi sæð enskar, upplýsandi tilfar í sjónvarpinum í sjónvarpinum og tað er á einum heilt øðrum, hægri støði enn hesir báðir filmarnir.
