Bert tann eini dysturin var á skránni í bestu mansdeildini í dag. Hesin var á Skála, har Neistin vitjaði hjá StÍF.
Javnleikur gjørdist endaliga úrslitið, men tað var ikki hetta, sum lá í kortunum undan steðginum. Tá var Neistin nevnliga greitt omaná, so skjótt, sum seinni hálvleikur byrjaði, fór heimaliðið at kuta av leiðsluni.
StÍF vann seg upp á javnt, og teir megnaðu eisini at toga seg framum, tá fáir minuttir vóru eftir at spæla, men tá megnaði Neistin at svara aftur. Gestirnir vóru á odda tvær ferðir seinastu tveir minuttirnar, men í báðum førum eydnaðist StÍF at javna, so liðini at enda máttu býta stigini ímilum sín.
Úrslit í dag
StÍF-Neistin 27-27 (10-16)
Í gjár
KÍF-VÍF 31-29
Fríggjadagin
Team Klaksvík-H71 21-25
Støðan
VÍF 18 stig (11 dystir)
Kyndil 15 (12)
H71 13 (11)
KÍF 11 (11)
Neistin 10 (12)
StÍF 7 (12)
Team Klaksvík 6 (11)
