Javnaðarflokkurin hevur ta skipan, at formaðurin tilnevnir landsstýrisfólk floksins, men at floksleiðslan síðan skal góðtaka tey. Floksleiðslan er hægsti myndugleiki í Javnaðarflokkinum millum landsfundirnar.
Floksleiðslan hevur nú góðkent, at Aksel V. Johannesen og Margit Stórá verða floksins umboð í landsstýrinum.
Hesum boðar flokkurin frá í kvøld, har flokkurin skrivar soleiðis:
Okkara landsstýrisfólk: Aksel V. Johannesen og Margit Stórá eru vald í landsstýrið. Aksel í fíggjarmál og Margit í almanna- og bústaðarmál. Bestu eydnu, tit bæði!
Bárður á Steig Nielsen váttaði longu í morgun tíðindini um, at hann sjálvur og Eyðdis Hartmann Niclasen eru floksins umboð í landsstýrinum. Fólkaflokkurin hevur enn ikki váttað tíðindini um at Bárður á Lakjuni og Jacob Vestergaard verða floksins umboð í landsstýrinum umframt løgmann Beinir Johannesn.
