Fyribils hava fyritøkurnar fingið loyvi at innflyta 65 tons av stórhvalatvøsti. Talan er um sildrekatvøst, sum hevur ligið á goymslu í einum frystirúmi síðani í juni.
Íslendski fiskimálaráðharrin, Einar K. Guðfinnsson, sigur við íslendskar fjølmiðlar, at hann vónar, at stórhvalaveiða aftur kann gerast ein verulig vinnugrein í Íslandi. Hann sigur, at hendan vinnan kann geva mong arbeiðspláss og harafturat fremmant gjaldoyra.
Fiskimálaráðharrin heldur ikki, at skynsom stórhvalaveiða fer at skaða umdømi Íslands, so leingi veiðan er burðardygg.
