Janus Petersen fekk 9,6 milliónir krónur fyri at fara frá sum stjóri í BankNordik fyri stuttum.
Tað skrivar Finanswatch.
Bankin boðaði frá í morgun, at úrslitið er ikki heilt so gott í higartil ár, sum tað hevur verið.
Finanswatch skrivar, at ein orsøk er, at lønarútreiðslurnar eru hækkaðar, men nevnir eisini, at tað telur somuleiðis við í roknistykkinu, at tað kostaði bankanum 9,6 milliónir krónur at gera fráfaringaravtalu við Janus Petersen um at fara frá sum stjóri fyri stuttum.
