Hetta var fyrstu ferð, hann hevði fingið fulla plátu, var sloppin ígjøgnum og slapp at snara gekka-hjólinum.
Høvuðsvinningurin í kvøld var á 230.000 krónur, og Eyðun Hilduberg í Hoyvík valdi at deila upphæddina í teir tríggjar leyparnar við 80.000 krónum í hvørjum leypi.
Í fyrstu royndini steðgaði hjólið á 15.000 krónum - og streyk nakrar fáar seymir framvið reyða leypinum.
- Vit prøva aftur, vóru boðini úr Hoyvík.
Í aðru royndini gekk heldur betur - ella, tá eydnaðist tað Eyðuni Hilduberg at veksa um upphæddina við 5.000 krónum, tá hjólið hesaferð steðgaði á 20.000.
- Jamen, vit prøva einaferð aftrat, vóru boðini hesaferð.
Í triðju og seinastu royndini endaði Eyðun Hilduberg, har hann byrjaði - aftur á 15.000 krónum.
Og tað var hann slett ikki illa nøgdur við.
- Ja, ja, tað er ikki so galið. Túsund takk fyri, vóru seinastu orðini úr Hoyvík í kvøld.
