Fremad Amager, sum hevur føroyska landsliðsleikaran Jónas Tór Næs í hópinum, tapti um vikuskiftið 0-1 á heimavølli ímóti HIK og er nú í 2. division øst á einum 6. plássi, sum minnir um ongamannaland. Tað eru góð 20 stig upp til HIK og Hvidovre, sum langtsíðani eru strokin avstað frá øllum hinum liðunum. Kappingin í miðjuni og í botninum er ógvuliga tøtt. Hóast Fremad Amager er nummar seks av teimum 16 liðunum, so eru teir bara seks stig omanfyri niðurflytingarstrikuni.
Elite 3000, sum hevur Daniel Udsen í hópinum, siglir hinvegin tyngri sjógv og er bara tvey stig frá niðurflytingini.
Enn eru átta dystir eftir at leika í 2. division øst.
