Nes Sóknar Musikkfelag hevur sína árligu jólakonsert í Glyvra kirkju sunnukvøldið Í annaðkvøld, sunnukvøldið 9. desembur, hevur Nes Sóknar Musikkfelag sína árligu jólakonsert í Glyvra kirkju.
Við á konsertini, sum byrjar klokkan 20, verður ein messing-kvintett úr Havn.
Hornorkestrið spælir kend jólaløg so sum White Christmas, O Holy Night, Away in a Manger, Ave Maria, nøkur føroysk jólaløg og annað. Messing kvintettin fer at framføra tvey stykkir, Hallelujah Chorus og Christmas Crackers.
Tað er Kenneth Jones, ið stjórnar báðum orkestrunum.
