Nú sunnukvøldið - triðja sunnudag í advent - hevur manskórið konsert í Fríðrikskirkjuni. Framførd verða í høvuðsheitum jólaløg, ið flest øll kenna so væl, at tey eru vorðin fólkaogn okkara millum.
Skúlaungdómar verða eisini at hoyra í Fríðrikskirkjuni. Á konsertini við Norðskála fekk ein ungdómssangbólkur úr framhaldsdeildini í Runavík høvi at royna seg á fyrsta sinni. Tey vera við sunnukvøldið.
Haraftrat fer skúlakórið í framhaldsdeildini í Runavík at syngja nakrar sangir. Byrjað varð við skúlakóri síðsta skúlaár, tá tey fingu møguleikan at syngja til jóla. Síðani hevur verið hildið fram hetta skúlaárið.
Konsertin í Fríðrikskirkjuni verður klokkan 20.30.
