Gunnar Nielsen er eisini úttikin saman við Tórði Thomsen, men tað skal helst skiljast soleiðis, at Brian Kerr fyri ein hvønn prís vil hava Gunnar Nielsen í hópinum, um hann brádliga gjørdist klárur aftur.
Hetta er tó ógvuliga ósannlíkt.
Brian Kerr hevur ? eins og vanligt ? eitt nýtt navn í hópinum hesaferð. Erling Jacobsen úr Víkingi er boðsendur eftir sannførandi avrikini í Gøtu hetta kappingarárið. Eisini hevur landsliðsvenjarin úttikið Jonhard Frederiksberg, sum annars ikki hevur verið partur av landsliðnum í fleiri ár. Harumframt hevur Brian Kerr eisini úttikið Paula G. Hansen, sum vit skrivaðu aðrastaðni á Portalinum fyri løtu síðani.
Landsliðshópurin er annars hesin:
Úr heimligu deildini:
B36: Jónas Tór Næs, Christian R. Mouritsen.
EB/Streymur: Egil á Bø, Daniel Udsen, Pauli G.Hansen, Arnbjørn Hansen.
HB: Fróði Benjaminsen, Símun Samuelsen, Tórður Thomsen, Hendrik Rubeksen.
ÍF: Jákup Mikkelsen.
NSÍ: Bogi Løkin, Jóhan Troest Davidsen, Jonhard Frederiksberg, Jan Ingi Petersen, Jústinus R. Hansen.
Víkingur: Erling Jacobsen.
Og uttanfyri Føroyar:
Newcastle: Jóan Símun Edmundsson.
Ross County: Atli Gregersen.
Silkeborg: Christian Lamhauge Holst.
Tranmere Rovers: Gunnar Nielsen.
