Leygarkvøldið var fjórða og seinasta umfarið í Singer/Songwriter kappingini á Kafé Kaspar avgjørt.
Vinnarin av fjórða umfari í singer/songwriter kappingini á Kafe Kaspar gjørdist Jógvan Joensen. Jógvan er 20 ára gamal og ættaður úr Norðragøtu. Hann er ein royndur trubadurur og ein íðin lagsmiðjur, spælir gittara, klaver og syngur.
Dómarnir Sunneva H. Eysturstein, Heri Reynheim og Petur Pólson søgdu um vinnandi framførsluna, at hon var dynamisk, innilig og sjálvsikkur. Vinnarin hevði eina karismatiska útstráling og megnaði at samskifta sál, hjarta og potentiali við sínum tónleiki.
Teir fýra finalistarnir, Jústines í Túni & Sakaris Joensen, Noah Chaparro, Lyon Hansen og Jógvan Joensen, verða aftur at síggja og hoyra á Kafe Kaspar um eina viku, leygarkvøldið 8. mai, tá finalan verður.
