Heimsfrumsýning verður á Tjóðpalli Føroya 24. Oktober, tá spildurnýggji føroyski sjónleikurin ?Aftan á Undrið? eftir Jóanes Nielsen verður sýndur fyrstu ferð.
Hetta er aðru ferð Jóanes Nielsen roynir seg sum leikhøvund; fyrru ferð var ?Eitur nakað land Week-end?? sum Gríma setti upp í 2001, og sum vann Norðulendsku Dramatikaravirðislønina í 2002.
Í hesum leikinum roynir Jóanes nýggjar leiðir. ?Aftan á Undrið? flytir seg alla tíðina millum veruleika og dreym, og er at kalla meira absurdur og dreymakendur.
Leikurin er um tólv ára gamla Dávid, sum hevur svull á heilanum, og skal royna at sættast við tað. Leikurin fylgir Dávidi og hansara hugsanum og dreymum um familjuna, lívið, deyðan og ? Pinocchio.
Í dreymunum er Dávid Pinocchio, sum ikki er ein trædukka longur, men er blivin ein ordiligur drongur. Og eins og Dávid roynir Pinocchio at sættast við hvat tað er at vera menniskja.
Leikurin flytur seg millum hesar báðar heimarnar, tann veruliga og dreymin, og tað er ikki altíð lætt at síggja mun á. Verur úr Pinocchio-søguni blanda seg uppí veruleikan, og hjálpa Dávidi at finna seg sjálvan í einum hurlivasa av kenslum, fantasiið og dreymum.
Leikstjóri er íslendingurin Guðjón Pedersen, meðan Budam hevur skrivað spildurnýggjan tónleik til leikin
