Jóanes Nielsen við nýggjum leiki

Virðislønti leikhøvundurin Jóanes Nielsen roynir seg nú aftur við spildurnýggja leikinum »Aftan á Undrið«, sum verður frumsýndur á Tjóðpallinum í næstu viku

Anna V. Ellingsgaard

14.10.2009 (11:03)

<style type="text/css">  </style>   <o:p></o:p> Hóast Jóanes Nielsen var sera virkin sum leikhøvundur í gøtusjónleiki í 70'unum, er hetta bert aðru ferð hann roynir seg sum høvund við leiki til pall. Fyrru ferð var við leikinum »Eitur nakað land Week-end?«, sum Gríma setti upp í 2001, og sum vann Norðulendsku Dramatikaravirðislønina í 2002. <o:p> </o:p> Pinocchio kemur aftur Í hesum nýggja leikinum roynir Jóanes aðrar leiðir. »Aftan á Undrið« flytir seg alla tíðina millum veruleika og dreym og er at kalla meira absurdur og dreymakendur. Leikurin er um tólv ára gamla Dávid, sum hevur svull á heilanum, og skal royna at sættast við tað. Leikurin fylgir Dávidi og hansara hugsanum og dreymum um familjuna, lívið, deyðan og – Pinocchio. Í dreymunum er Dávid Pinocchio, sum ikki er ein trædukka longur, men er blivin ein ordiligur drongur. Og eins og Dávid, roynir Pinocchio at sættast við, hvat tað er at vera menniskja. Leikurin flytur seg millum hesar báðar heimarnar, tann veruliga og dreymin, og tað er ikki altíð lætt at síggja mun á. Verur úr Pinocchio-søguni blanda seg uppí veruleikan, og hjálpa Dávidi at finna seg sjálvan í einum hurlivasa av kenslum, fantasi og dreymum. <o:p> </o:p> Royndar kreftir Til at leikstjórna leikin hevur Tjóðpallurin fingið íslendska Guðjón Pedersen, sum í eini tjúgu ár hevur verið ein av kendastu og best umtóktu leikstjórum í Íslandi. Hann var stjóri í Borgarleikhúsinum í Reykjavík í átta ár, og hevur eisini starvast uttanlands, eitt nú í Svøríki, Finnlandi og Kekkia. Pallmyndina stendur íslendska Elín Edda Árnadóttir fyri. Hon hevur starvast á flest øllum leikhúsum í Íslandi, sum pall- og búnasniðgevi seinastu 20 árini. Millum annað saman við Guðjón Pedersen í Svøríki, Þjóðleikhúsinum, Borgarleikhúsinum. Spildurnýggjur tónleikur er skrivaður til leikin, og er tað Budam, ið stendur fyri tí partinum. <o:p> </o:p> Gamlir kenningar og nýggir spírar Leikararnir í »Aftan á Undrið« eru eitt bland av gomlum kenningum og nýggjum spírum. Kristina O. Sørensen, sum er útbúgvin á The Place og London Drama Centre og var við í Café Grugg í 2007; Durita Dahl Andreassen og Mariann Hansen leika fyri fyrstu ferð á Tjóðpallinum. Millum tey kendu andlitini eru Birita Mohr, Bárður Persson, Barbara Christophersen, Katarina Nolsøe og Hans Tórgarð. Árni Baldvinsson stendur fyri ljósinum, Katrin Bonde ger búnar, Marjun Olsen  og Drós Djurhuus standa fyri hári, sminku og maskum. Tónleikarar eru Rógvi á Rógvu og Búi Egason Dam. Leikurin »Aftan á Undrið« verður frumsýndur á Tjóðpalli Føroya 24. oktober <o:p> </o:p> 
 
 <o:p> </o:p>

Jóanes Nielsen við nýggjum leiki

Mest lisið

Søguligt!

Galaxy-Kakkelakkar

Kendi journalisturin Øssur Winnthereig er deyður

Hví hava vit ikki ráð til at keypa bil?

Noyðast at steingja Roynhøllina vegna herverk

HB vann níggju stig í trimum málríkum dystum móti TB

Eiler Rasmussen hevur dømt 400 fótbóltsdystir

Pernille og liðfelagarnir hava lagt fyri við stórsigrum

Myndir: Javnleikur á Toftum

Dagurin var góður fyri toftamenn