J&K-Petersen er ein av teimum føroysku fyritøkunum, sum klárar at standa seg í kappingini við útlendskar fyritøkur.
40 mans arbeiða hjá fyritøkuni, og hava teir havt fleiri arbeiði í Íslandi - teir gera so at siga allar havnaútbygginginar, sum fara fram í løtuni í Føroyum
Í løtuni arbeiða teir eisini fyri SEV uppi í Strandadali á Borðoynni, Leirvík, Fuglafirði, Toftum, og í Havn.
Mánadagin fekk J&K-Petersen at vita, at teir skulu rokna við at fáa enn eitt arbeiði í Íslandi. Teir hava lægsta tilboð, so tað er næstan heilt vist, at teir fáa hetta arbeiði.
J&K-Petersen var í harðari kapping við arðar fyritøkur. Av tí at Ísland hevur ein EBS-sáttmála við ES, eru teir noyddir til at bjóða arbeiðini út í ES. Hetta er eitt dýpingararbeiði í bygdini Sandgerði. Teir skulu dýpa 5000 m2 av havnini. Hetta fer at geva arbeiði til einar átta mans, men enn er ikki greitt um allir verða føringar - men í øllum førum nakrir.
Hetta er ikki av teimun størstu arbeiðinum, sum J&K-Petersen hevur havt. Kostnaðurin fyri hetta arbeiði, liggur um fimm milliónir føroyskar krónur.
Bjóða uppá arbeiði eisini arðastani
J&K-Petersen ætlar eisini at at bjóða uppá arbeiði aðrastaðni. Teir fara at bjóða uppá arbeiði í norðuratlantshavinum. Tað er serliga innanfyri dýping, J&K Petersen ætlar at satsa.
Ætlanin er í nærmastu framtið at bjóða uppá okkurt annað arbeiði, men hvat og hvar vil fyritøkan ikki siga nakað um enn. Vónandi fer hetta at eydnast, so at føroyskir handverkarar kunnu vísa, hvat teir duga!
